أخبار وطنية سامي بن سلامة يمثل غدا امام الدائرة الجناحية في ابتدائية تونس ويوضح في تدوينة ما يلي
نشر في 17 جانفي 2024 (23:06)
أعلن الاستاذ سامي بن سلامة عضو هيئة الانتخابات انه سيمثل صباح يوم الخميس 18 جانفي 2024 امام الدائرة الجناحية في ابتدائية تونس.
ونشر بن سلامة التدوينة التالية:
غدوة الصباح الخميس 18 جانفي 2024 نتعدى مرة أخرى قدام الدائرة الجناحية في ابتدائية تونس في جملة من القضايا...
من بينها اتهامي بارتكاب (الي شديتهم في مخي):
- جريمة ارتكاب أمر موحش في حق رئيس الدولة...
- سرقة سيارة إدارية...
- الإضرار بملك الغير
- الإساءة للغير عبر شبكات التواصل
- هضم جانب موظف
وغيرها من القضايا المفبركة الي لا راس لا ساس...
مع العلم الي فمة شكايات جايين من وزيرة العدل مباشرة بعدما شكى بوعسكر للنيابة وما قبلولوش شكاياتو على ما يبدو... وقضية جاية من الداخلية وتحكمت فيها غيابيا ب8 أشهر سجن وقدمت فيها اعتراض...وشكاية وإلا زوز من بوعسكر....
جملة القضايا هاذي الي عندهم قريب العامين ملي تحلو كان جينا في دولة تحترم القانون كان يتم حفظها ومعاقبة مقدمها... لأنها إما تلفيق في تلفيق... أو أنها تعبير على مواقف وتدخل في خانة حرية التعبير وما فيها حتى جريمة...
بصراحة مؤسف الحال الي وصلولو بلادنا...
وعلى كل الشيء المشرف في الموضوع أنو دونالد ترامب وما عندوش قضايا قدي.
